გაერთიანებული ოპოზიციის „ძალა ერთობაშიას" წარმომადგენელი, გიორგი ვაშაე ამბობს,რომ პირადი ცხოვრების ამსახველი ფარული ვიდეო-ჩანაწერის გავრცელება სპეცსამსახურების დაგეგმილია.

მისი თქმით, ხელისუფლება ცდილობს, ყურადღება გადაიტანოს იმ ადამანების დაკავებებზე, რომლებსაც ფარული ჩანაწერი პროვოკაციულად გაუგზავნეს პირად შეტყობინებებში.

ვაშაძე დამკვეთის გამოვლენის აუცილებლობაზე ამახვილებს ყურადღებას.

"ჩემი აზრით, ეს არის პირდაპირ სპეც-სამსახურების მიერ დაგეგმილი პროვოკაცია. ადამიანების მიმართ, რომელთა დაკავებებიც ხდება, პროვოკაციული ქმედება განხორციელდა. საკუთარ მესენჯერში თქვენც რომ მოგვიდეთ რაღაც შეტყობინება, შესაძლოა, თქვენც ნახოთ. მეც ბევრი შეყტობინება მაქვს, ზოგიერთს ვერც ვნახულობ, ან შესაძლოა მეც გამეხსნა ასეთი შეტყობინება. ჩემს მესენჯერში ბევრი გაუხსნელი მესიჯი მაქვს. ამიტომ, აბსურდია ის, რომ ყველას ასე გავეკიდოთ. მაშინ, შესაძლოა მთელი საქართველო იყოს დასაპატიმრებელი. აქ, კონკრეტულად, საქმე მდგომარეობს იმაში, თუ ვინ დაუკვეთა, ვინ გაავრცელა ეს ყველაფერი. ეს არის ხელისუფლების თამაში იმისთვის, რომ ყურადღება გადაიტანოს რაოდენობრივ დაკავებებზე და არა ამ პრობლემის წინაადეგ ფუნდამენტურად ბრძოლაზე", -განაცხადა გიორგი ვაშაძემ.