გიორგი ქადაგიძე ილიაუნის ბიზნესის სკოლის დეკანის თანამდებობიდან გადააყენეს

პოლიტიკა - 10:47, 01 Feb, 2019

977

გიორგი ქადაგიძე ილიაუნის ბიზნესის სკოლის დეკანის თანამდებობიდან გაათავისუფლეს.

ქადაგიძე უნივერსიტეტის ადმინისტრაციას ცვლილებებისადმი შიშსა და ძირეული სიახლეების მიუღებლობაში ადანაშაულებს.

ქადაგიძე სოციალურ ქსელში ავრცელებს რამდენიმე კვირის წინ აკადემიური საბჭოსთვის მიწერილ წერილსაც, სადაც ის უნივერისტეტში დროულ ცვლილებებს ითხოვს.

"ზუსტად ერთი წლის წინ მივიღე გადაწყვეტილება ჩემი დროის დიდი ნაწილი დამეთმო განათლების სექტორისთვის, კერძოდ კი ილიას ბიზნესის სკოლის რეფორმირებისთვის.

პირადი მიზეზების გამო მომიწია ერთი კვირით ქვეყნის დატოვება. ამ პერიოდს „მომზადებული“ ხვდება უნივერსიტეტის ადმინისტრაცია, ატარებს ე.წ. რეორაგანიზაციას რომლის შედეგად სამწუხაროდ აღარ ვარ სკოლის დეკანი.

მიზეზი ძალიან მარტივი და ამავე დროს ფუნდამენტურია. მისი სახელია ცვლილებების შიში და ძირეული სიახლეების მიუღებლობა. არადა სწორედ რომ სიახლეების და რეალური რეფორმების დაგვიანების ფასს ყოველწლიურად ჩვენი ათასობით სტუდენტი იხდის.

ცხადია ეს ამბავი ჩემთვის მხოლოდ ახლა იწყება. მეტის დაწერა სამწუხაროდ პირადი მიზეზების გამო არ შემიძლია, მაგრამ ორშაბათიდან ყველაფერი იქნება საჯარო.

მანამდე კი ვისაც ეს თემა მართლაც აღელვებს და აინტერესებს, ვდებ რამდენიმე კვირის წინ აკადემიური საბჭოსთვის მიწერილ წერილს რომელიც ე.წ. რეორგანიზაციის მიზეზს ნათელს ხდის. (იხ. კომენტარი)"- აცხადებს ქადაგიძე.

ილიას სახელმწიფო უნივერსიტეტის რექტორი გიგა ზედანია ამტკიცებს, რომ გიორგი ქადაგიძემ უნივერსიტეტის სტრუქტურულ რეფორმებში მონაწილეობაზე უარი თავად განაცხადა.