"რამდენი ტრაგედია უნდა მოხდეს, რომ ხელისუფლებამ ყურები გამოიბერტყოს"- ლევან ხაბეიშვილი გაზის ნამწვით 7 ადამიანის დაღუპვაზე

პოლიტიკა - 15:11, 31 Jan, 2019

786

ქეთევან წამებულის გამზირზე 7 ადამიანი გარდაცვლილი იპოვეს, მათი გარდაცვალების მიზეზი სავარაუდოდ გაზის ნამწვი გახდა. ოპოზიცია პასუხისმგებლობას "ყაზტრანსგაზსა“ და თბილისი მერიას აკისრებს. მათი თქმით, არც კომპანია და არც მერია პრევენციულ ზომებზე არ ზრუნავენ.

საკრებულოს დეპუტატის, ენმ-ს წევრის ლევან ხაბეიშვილის თქმით, ხელისუფლება და გაზის კომპანია მუდმივად გადაბრალების რეჟიმში არიან, ამას კი ადამიანების სიცოცხლე ეწირება.

„ტრაგედია ტრაგედიაზე ხდება, პასუხი ფაქტობრივად არ გვაქვს, ხელისუფლება და გაზის კომპანია მუდმივად გადაბრალების რეჟიმში არიან, იმის ნაცვლად რომ პასუხი გაგვცენ და პრევენციული ზომები მიიღონ. რა თქმა უნდა არის ყაზტრანსგაზის პასუხისმგებლობაც რიგ შემთხვევებშიც, თუმცა ის რომ ერთი ადამიანი იყო თბილისის მერიაში სატრანსპორტო სამსახურის და ყაზტრანსგაზის დირექტორიც ეს რა თქმა უნდა კითხვებს ბადებს.

კახი კალაძეს ნაცვლად იმისა, რომ სხვისკენ იშვერდეს ხელს, კარგი იქნება, რომ პრევენციულ ზომებზე მუშაობას იწყებდეს, იმის ნაცვლად, რომ სხვას დააბრალოს. ამ ქალაქში რამდენიმე დღეში, რამდენიმე მძიმე ტრაგედია მოხდა, განა რამდენი ტრაგედია უნდა მოხდეს, რომ ხელისუფლებამ ყურები გამოიბერტყოს.“- განაცხადა ლევან ხაბეიშვილმა