ვაკის პარკში სასტუმროს მშენებელობის საქმე - თბილისი მერის განცხადებების შემდეგ გამართულ შეხვედრაზე, სასტუმროს მფლობელტან შეთანხმება იქნა მიღწეული, რომლის მიხედვითაც ვაკის პარკში სასტუმრო აღარ აშენდება.

აღსანიშნავია, რომ კალაძემ ერთ-ერთ განცხადებაში გაავრცელა ინფორმაცია იმის შესახებ, რომ აღნიშნულ ტერიტორიაზე სასტუმროს მშენებლობის ნებართვა გიგი უგულავას მერობის დროს გაიცა. ამ განცხადებას გიგი უგულავა გადაცემა „360 გრადუსში“ სტუმრობისას გამოეხმაურა:

„კახი კალაძე გაუნათლებელთან ერთად პოლიტიკური ცვედანიც არის, იმიტომ, რომ მე შემიძლია ჩამოვყვე რამდენი პრობლემა დამხვდა ვანო ზოდელავასგან, მაგრამ ეს არასდროს გამიკეთებია და არც იმათ ვაკადრებდი, ელემენტარული კოლეგიალობის საკითხია. ადამიანი, რომელიც ხელს იშვერს და პასუხისმგებლობას ვერ იღებს, ის სიკეთეს ვერ მოიტანს. ამიტომ, ეს არის პოლიტიკური ცვედანი, ამასთან ერთად სამწუხაროდ, არის შეუფერებელი, იმიტომ, რომ არის უზრდელი. პირველი შემთხვევა არ არის, როცა კახი კალაძე ამბობს ერთ სიტყვას, რომელსაც რეალურად სხვა მნიშვნელობა აქვს, მაგრამ ის სხვა მნიშვნელობით ხმარობს, იმიტომ, რომ არ იცის. არ ვაპირებ ამ ადამიანთან შეჯიბრებას, დამანებოს თავი და ნუ მეტოლება ყოველ მთავრობის სხდომაზე, მიხედოს საქმეს“, - განაცხადა უგულავამ.