"ხელისუფლებამ უნდა გაიგოს 73-ვე მუნიციპალიტეტიდან ასიათასობით ამომრჩევლის ხმა, რომ მაჟორიტარული სისტემის შენარჩუნება არის სიმახინჯე"- მამუკა კაციტაძე

პოლიტიკა - 15:36, 30 Jan, 2019

724

2020 წლის საპარლამენტო არჩევნებისთვის პროპორციულ საარჩევნო სისტემაზე გადასვლასთან დაკავშირებით ოპოზიცია ხელმოწერების შეგროვებას იწყება და საკითხის პარლამენტში შესატანად ემზადებ. პარლამენტში მომხსენებლები სავარაუდოდ მამუკა კაციტაძე და ალექსანდრე ბარამიძე იქნებიან, მათი კანდიდატურები „თბილისი მერიოტში“ შკერებილ პოლიტიკურ პარტიებს, გრიგოლ ვაშაძემ შესთავაზა და იმედი გამოთქვა, რომ ეს კანდიდატურები მხარდაჭერას მოიპოვებენ.

მამუკა კაციტაძის თქმით, ხელისუფლებამ უნდა გაიგოს ამომრჩევლის ხმა, რომელსაც მაჟორიტარული საარჩევნო სისტემა სიმახინჯედ მიაჩნია, რადგან უსამართლოა და ხმების მოპარვის საშუალებას იძლევა:

„დღეს 30 იანვარს იწყება ძალიან საინტერესო პროცესი, ჩვენ უნდა გავაგონოთ აქამდე ვერშესმენადი ხმა ხელისუფლებას. ხელისუფლებამ უნდა გაიგოს 73-ვე მუნიციპალიტეტიდან ასიათასობით ამომრჩევლის ხმა, რომ საქართველოში მაჟორიტარული სისტემის შენარჩუნება არის სიმახინჯე. სწორედ ამომრჩევლებმა უნდა გააგებინონ, რომ მათ არ უნდათ მაჟორიტარული სისტემის შენარჩუნება, იმიტომ რომ ის არის უსამართლო და იძლევა ხმების მოპარვის საშუალებას. აქ არის გაერთიანებული ძალისხმევა, ჩვენ ვიწყებთ ამ მოძრაობას და მე ვფიქრობ, რომ ჩვენს მიერ, ჩვენი მეშვეობით ხალხის ხმის მიტანა პარლამენტში შედეგზე იქნება ორიენტირებული და ჩვენ 2020 წლისათვის სამართლიან საარჩევნო სისტემას შევაგებებთ ჩვენს ამომრჩეველს და მის არჩევანს.“- გაანცხადა მამუკა კაციტაძემ.