46% თვლის რომ საქართველოში დემოკრატია არაა

46% თვლის რომ საქართველოში დემოკრატია არაა - NDI-ის გამოკითვის შედეგები

პოლიტიკა - 11:24, 30 Jan, 2019

1234

ეროვნულ-დემოკრატიული ინსტიტუტისა (NDI) და CRRC-საქართველოს მიერ დღეს გამოქვეყნებული კვლევის მიხედვით, გამოკითხულთა 92 პროცენტისთვის მნიშვნელოვანია, რომ დემოკრატიულ ქვეყანაში იცხოვროს (59%- ძალიან მნიშვნელოვანი , 33% -მნიშვნელოვანი), 2%-ისთვის უმნიშვნელოა, 4%-ისთვის სრულიად უმნიშვნელო, 2%-მა არ იცის.

43% თვლის, რომ საქართველოში დემოკრატიაა, 46% თვლის რომ არა, 11%-მა არ იცის.

მათი რაოდენობა, ვინც თვლის, რომ საქართველოში დემოკრატია არაა წინა წლებთან შედარებით გაზრდილია და მნიშვნელოვნად შემცირებულია მათი რაოდენობა ვისაც მიაჩნია, რომ საქართველოში დემოკრატიაა.

კვლევის თანახმად ის რომ საქართველოში დემოკრატია არაა ყველზე მეტად ამ მოსაზრებას თბილისში ეთანხმებიან, ხოლო ის რომ ქვეყანაში დემოკრატიაა, ამას ყველაზე მეტად უმცირესობათა დასახლებებში ფიქრობენ.

ასაკობრივი ჯგუფების მიხედვით დემოკრატიის არსებობას ყველაზე მეტად 18-34 წლის ადამიანები ეთანხმებიან, უარყოფითი პასუხი კი ყველაზე ხშირად 55 წელს ზემოთ მყოფმა ადამიანებმა გასცეს.

ამასთან ქვეყანაში დემოკრატიის არსებობას კაცები უფრო ეთანხმებიან ვიდრე ქალები.

გამოკითხულთა 53% თვლის, რომ საქართველოს დასავლური სტილის დემოკრატიული რესპუბლიკის პოლიტიკური სისტემა შეეფერება. 11 % მიაჩნია, რომ შესაფერისია, სისტემა, რომელსაც ბევრი საერთო აქვს საბჭოთა სისტემასთან, მაგრამ უფრო დემოკრატიული და ბაზარზე ოროენტირებულია. 10% შესაფერისად მიაჩნია ყოფილი კავშირის სისტემა. ძლიერ ავტორიტარულ სისტემას, რომელი წესრიგს თავისუფლებაზე მაღლა აყენებს, ემხრობა 10%, მოანარქია ან ავტოკრატიას 2%, სხვა სისტემა 1%. არ იცის 14%-მა.

აღნიშნული კვლევა, 2018 წლის 6-20 დეკემბრის პერიოდში, საქართველოს მასშტაბით 2,205 პირისპირი ინტერვიუს წარმომადგენლობითი შერჩევის საფუძველზე, ქვეყნის ქართულ, სომხურ და აზერბაიჯანულენოვან სრულწლოვან მოსახლეობას შორის ჩატარდა (ოკუპირებული ტერიტორიების გამოკლებით). კვლევაში საშუალო ცდომილების ზღვარი არის +/- 2.1 პროცენტი.

NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით და ატარებს CRRC საქართველო.