საქართველოს პარლამენტის თავმჯდომარის მოადგილის, უმრავლესობსი წევრის თამარ ჩუგოშვილის თქმით, ის უკრაინის ეკლესიის ავტოკეფალიას თავის უკრაინელ მეგობრებს და მეგობარ ქვეყანას ულოცავს, თუმცა რაც შეეხება საქართველოს და უკრაინის ეკლესიებს შორის ურთიერთობას და სუვერენიტეტის აღიარებას ჩუგოშვილის თქმით, მას ეკლესიის და სახელმწიფოს ნაცვლად პასუხის გაცემა გაუჭირდება:

"ეს გადაწყვეტილება უკრაინის სუვერენიტეტის გაძლიერებას ემსახურება და ამის მანიშნებელია და ამის გამო შემიძლია მხოლოდ სიხარული გამოვთქვა და მივულოცო მათ როგორც მეგობრებს, რომლებიც მე მყავს ამ ქვეყანაში, ასევე ქვეყანას, რომელსაც აღვიქვამთ მეგობარ ქვეყანად. დანარჩენი, რაც შეეხება ეკლესიებს შორის ურთიერთობას, სუვერენიტეტის აღიარებას და ა.შ. მე ამაზე განსაკუთრებით ეკლესიის ნაცვლად, მათ შორის სახელმწიფოს ნაცვლადაც, პასუხის გაცემა გამიჭირდება."- განაცხადა თამარ ჩუგოშვილმა.