არასამთავრობო ორგანიზაცია „საერთაშორისო გამჭვირვალობა - საქართველოს“ აღმასრულებელი დირექტორის ეკა გიგაურის განცხადებით, პირადი ცხოვრების ამსახველი კადრებით შანტაჟის ობიექტები ძირითადად ქალები არიან. ეკა გიგაური სოციალურ ქსელში დეპუტატ ეკა ბესელიას პირადი ცხოვრების ამსახველი კადრების გავრცელებას გამოეხმაურა.

„ბოლო პერიოდის განმავლობაში სულ უფრო ხშირად გამოიყენებენ ამ მეთოდებს კონკრეტული ჯგუფები იმისთვის, რომ შანტაჟი მოახდინონ კონკრეტული პირების და ძირითადად შანტაჟის მსხვერპლები არიან ქალები. ძირითადად ჩვენ ვხედავდით, რომ ესენი იყვნენ კრიტიკულად განწყობილი ადამიანები. ეს ხდებოდა წინასაარჩევნო პერიოდში და აი ახლა უკვე ეკა ბესელიას შემთხვევაში ეს ხდება მაშინ როდესაც იგი საუბრობს სასმართლოს რეფორმირებაზე და იგი დაუპირისპირდა კონკრეტულ პირებს „ქართულ ოცნებაში“ და კონკრეტულ მოსამართლეებს რომლებსაც ზურგს უმაგრებს ქართული ოცნების რამდენიმე წევრი,“-განაცხადა ეკა გიგაურმა.