სააპელაციო სასამართლოს უვადოდ დანიშნული მოსამართლე, ლევან მურუსიძე აცხადებს, რომ პარლამენტის დეპუტატს, ვანო ზარდიაშვილს და სხვა გავლენიან მოსამართლეებს მეგობრის ოჯახის წევრის გარდაცვალების საკითხზე სასაუბროდ შეხვდა.

"ჩვენ ვართ რამდენიმე წელია დიდი ხნის მეგობრები. წესით, მე მგონი, ანგარიშსაც არ უნდა ვაბარებდეთ მეგობრები, რატომ შევხვდით და როგორ შევხვდით. ერთ ჩვენს საერთო მეგობარს ოჯახის წევრი გარდაეცვალა და ვსაუბრობდით, რამე დახმარება ხომ არ აღმოგვეჩინა მისთვის", - თქვა ლევან მურუსიძემ.

ტაბულას წყაროს მიერ გადაღებულ ფოტოზე ზარდიაშვილთან ერთად უზენაესი სასამართლოს უვადოდ დანიშნული მოსამართლე ლევან მურუსიძე, უზენაესი სასამართლოს მოსამართლეობის კანდიდატები მიხეილ ჩინჩალაძე და გიორგი მიქაუტაძე (რომელიც ამავდროულად იუსტიციის უმაღლესი საბჭოს მდივნის პოსტს იკავებს) და სააპელაციო სასამართლოს ყოფილი თავმჯდომარე ვალერი ცერცვაძე ჩანან.