ეკა ბესელიას პირადი ცხოვრების ამსახველი კადრების გავრცელების საქმე - საკითხის შეფასებისას „ევროპული საქართველოს“ წევრმა ოთარ კახიძემ განაცხადა, რომ არასრულყოფილი გამოძიების გამო სხვა მსგავს ფაქტებტან მიმართებით, ეჭვი ხელისუფლებამდე მიდის:

„ივანიშვილის მმართველობამ ჩვენ თავი დაგვამახსოვრა სწორედ პირადი ცხოვრების კადრების გავრცელებით, მათ შორის ქალი პოლიტიკოსების წინააღმდეგ. მე არ დავასახელებ, რა თქმა უნდა, გვარებს, რომლისთვისაც ქალბატონ ეკასაც უნდა გამოეცხადებინა სოლიდარობა, ახლა თავად ხდება იგივე მიდგომის მსხვერპლი, თუმცა აქაც არ ამბობს სრულად სიმართლეს. რა თქმა უნდა, როცა გამოძიება ეფექტური არ არის, როდესაც არ ვიცით გამავრცელებლის ვინაობა, ბუნებრივია, ეჭვი არის ხელისუფლებაზე,“ - განაცხადა ოთარ კახიძემ.