გადაუხადა თუ არა ბიზნესმენმა ქრთამი ეკა ბესელიას პოლიტპატიმრის სტატუსის სანაცვლოდ

გადაუხადა თუ არა ბიზნესმენმა ქრთამი ეკა ბესელიას პოლიტპატიმრის სტატუსის სანაცვლოდ - ილია დალაქიშვილი პირველ კომენტას აკეთებს

პოლიტიკა - 18:04, 28 Jan, 2019

4154

ბიზნესმენ ილია დალაქიშვილი სოციალურ ქსელში გავრცელებულ ინფორმაციას კატეგორიულად უარყოფს. საქმე ეხება ინფორმაციას რომლის თანახმადაც ილია დალაქიშვილი ციხიდან პოლიტპატიმრის სტატუსით ბესელიასთვის გადახდილი ქრთამის შემდეგ გათავისუფლდა.

„მე ვიყავი დაჭერილი, ჩამორთმეული მქონდა ქონება. დაყადაღებული მქონდა ანგარიში. რომელ ფულზე იყო ლაპარაკი, ოჯახს იმის საშუალება არ ჰქონდა, რომ ციხეში ყურადღება მოექცია,“ - აცხადებს ილია დალაქიშვილი "რუსთავი 2"- თან.

კომენტარი გააკეთა დალაქიშვილის ადვოკატმაც. ზურაბ თოდუას თქმით, ილია დალაქიშვილი პოლიტიკური დევნის მსხვერპლი იყო.

„მთელი პასუხისმგებლობით შემიძლია გითხრათ, რომ ეს არის აბსოლუტურად გამოგონილი ინფორმაცია. რამეთუ ვინ, ვინ და მხოლოდ ჩემს ხელში ხდებოდა ამ საქმის გაკეთება და თუ ვინმეს შეეძლო ქრთამი მიეცა ვინმესთვის თურქეთში თუ საქართველოში, ვიყავი მხოლოდ მე. მაგრამ პირდაპირ გეტყვით, რომ იმ პერიოდში ოჯახს არ გააჩნდა არათუ ვინმესთვის ქრთამად მისაცემი ფული, არამედ ადვოკატისთვის გადასახდელი ფულიც კი. თუ ვინმეს ეკუთვნოდა იმ 187 პოლიტპატიმართა სიიდან თუ პოლიტდევნილად აღიარებულ ადამიანთა სიიდან პოლიტპატიმრობა, ყველაზე გამოკვეთილ ხუთეულში შეიძლება ილია დალაქიშვილის თავისუფლად შეყვანა, იმიტომ, რომ ის იყო ყოფილი პარლამენტის წევრი. მას წინა ხელისუფლებამ იმისთვის, რომ ყოფილი პარლამენტის წევრი იყო და ბოლომდე დაუდგა იმ ხელისუფლებას, ჩამოართვეს აბსოლუტურად ყველაფერი. იმდენად აშკარა და გამოკვეთილი ყალბი ინფორმაციები იყო ამ საქმეზე, რომ სულ თავისუფლად შეიძლებოდა, რა ქრთამი, რის ქრთამი, ვისთვის უნდა მიეცა ქრთამი,“ - განაცხადა ადვოკატმა.