NDI-ს საზოგადოებრივი აზრის კვლევის მიხედვით, უმუშევრობა, სიღარიბე და ფასების ზრდა არის ქვეყანაში მთავარი გამოწვევები, რომელიც მოსახლეობას დღეს ყველაზე მეტად აწუხებს.

კვლევის შედეგებს გაერთიანებული ოპოზიციის ერთ-ერთი ლიდერი თინა ბოკუჩავა გამოეხმაურა და განაცხადა, რომ ხელისუფლების უმოქმედობის გამო, აღნიშნულ მაჩვენებლებში მდგომარეობა წლიდან წლამდე უარესდება:

„სამწუხაროდ, დღეს საქართველოს ჰყავს ხელისუფლება, რომელიც არაფერს აკეთებს ამის გამოსასწორებლად, ამიტომ წლიდან წლამდე მაჩვენებელი უარესდება. ერთი, რაც იმედის მომცემია ამ კვლევაში, ჩანს, რომ მოსახლეობის უდიდესი ნაწილი არის პროდასავლურად განწყობილი, სწორედ ამიტომ უნდა შეიცვალოს ეს ხელისუფლება და ხელისუფლებაში მოვიდეს პროფესიონალი ადამიანების გაერთიანება, რომელიც ჩვენს ქვეყანას წაიყვანს წინ,“ -ამბობს თინა ბოკუჩავა.