ბათუმში პაციენტის გარდაცვალებას ექიმის უყურადღებობას აბრალებენ და მას სასამართლოში უჩივიან

პოლიტიკა - 18:34, 27 Jan, 2019

1210

51 წლის 51 წლის ელზა ჩხობაძის გარდაცვალებას, ოჯახის წევრები ბათუმის მედცენტრის ექიმის ბეჟან ხოზრევანიძის უყურადღებობას უკავშირებენ და მას სასამართლოში უჩივიან.

ელზა ჩხობაძე 14 დეკემბერს თირკმლის შეტევით კლინიკის ემერჯენსის განყოფილებაში რამდენიმე საათის ინტერვალით ორჯერ შეიყვანეს. შვილის მტკიცებით, ქალს მხოლოდ გამაყუჩებლები გაუკეთეს, რაც საკმარისი არ აღმოჩნდა.

გარდაცვლილი პაციენტის ოჯახის მტკიცებით, მკურნალ ექიმს ლიცენზია ერთი თვით შეჩერებული ჰქონდა. 51 წლის ქალი კი, ლიცენზიის აღდგენიდან 4 დღეში გარდაიცვალა. ოჯახს პრეტენზიები კლინიკის მენეჯმენტის მიმართაც აქვს. გარდაცვლილი ქალის შვილი ამბობს, რომ კლინიკიდან მას თანხა შესთავაზეს იმის სანაცვლოდ, რომ პაციენტის გარდაცვალებისთვის არ ეჩივლა.

ეს არ არის ერთადერთი შემთხვევა, როცა ბეჟან ხოზრევანიძეს პაციენტის ახლობლები ედავებიან. ექიმის ლიცენზიის შეჩერების მიზეზი კიდევ ერთი პაციენტის ახალგაზრდა მამაკაცის გარდაცვალება გახდა. გარდაცვლილის მამის მტკიცებით, მის შვილს ინფარქტი ჰქონდა, თუმცა ცუდად ყოფნა ექიმმა კუჭის პრობლემებს დაუკავშირა და პაციენტს შესაბამისად არ უმკურნალა.

კიდევ ერთი 53 წლის ქალის ოჯახიც წევრებიც ამტკიცებენ, რომ პაციენტი გულის პრობლემით გარდაიცვალა, თუმცა ბეჟან ხოზრევანიძემ მდგომარეობა სწორად ვერ შეაფასა.

ბრალდებებს უარყოფს თვითონ ექიმი და პაციენტების ახლობლებს მისა და კლინიკის მიზანმიმართულ დისკრედიტაციაში ადანაშულებს და საპასუხო ბრალდებებს უყენებს.