„ევროპული საქართველო" მოსამართლეთა დანიშვნის საკითხის სამუშაო ჯგუფის ფორმატის შეცვალს ითხოვს, წინააღმდეგ შემთხვევაში, ისინი ჯგუფში დარჩენის აზრს ვერ ხედავენ.

„იუსტიციის უმაღლესი საბჭოს მთელი შემადგენლობაა წარმოდგენილი, ასევე ის პირები, ვინც იმ 10-კაციან სიაში იყვნენ, რატომღაც არიან ამ სამუშაო ჯგუფის შემადგენლობაში. არასამთავრობო სექტორიდან ესწრება შეხვედრას ლევან მურუსიძე მოსამართლეთა ასოციაციის სახელით. ეს არ არის ფორმატი, სადაც ჩვენ ვხედავთ რამე აზრს, რომ რეალურად განვიხილოთ რაიმე საქმიანი წინადადებები, ამიტომ შეთავაზება გვაქვს, რომ კვოტები განისაზღვროს. ეს წინადადებები ამ შეხვედრაზე არ იქნა გაზიარებული, მე იმედს გამოვთქვამ, რომ შემდეგ შეხვედრამდე მოხდება ამ ფორმატის ცვლილება,“ - აცხადებს ოთარ კახიძე.