სამუშაო შეხვედრა უზენაესის მოსამართლეების წარდგენის წესთან დაკავშირებით

სამუშაო შეხვედრა უზენაესის მოსამართლეების წარდგენის წესთან დაკავშირებით - რედისონთან ვითარება დაიძაბა

პოლიტიკა - 12:12, 27 Jan, 2019

907

სასტუმრო "რედისონთან", სადაც უზენაესის მოსამართლეების წარდგენის წესზე სამუშაო ჯგუფი შეხვედრას მართავს, ვითარება დაიძაბა - აქციის მონაწილეები, რომლებიც სასტუმროს წინ პარალელურად საპროტესტო აქციას მართავდნენ, სხდომაზე შესვლას და საკუთარი აზრის დაფიქსირებას ცდილობდნენ, რისი საშუალებაც მათ დაცვამ არ მისცათ.

ყველაზე მეტად აქციაზე ირაკლი კაკაბაძე აქტიურობდა.

“მთავარი მოთხოვნა არის ის, რომ საბჭოს იმ წევრებმა, ვინც გასული წლის დეკემბერში მხარი დაუჭირეს სრულიად გაუმართლებელი ფორმით სიის ნომინირებას საქართველოს პარლამენტში, მათ უნდა დატოვონ თანამდებობა. მათ უნდა აიღონ პასუხისმგებლობა საკუთარ თავზე. არა მარტო თანამდებობები იუსტიციის საბჭოში, მათმა ბევრმა ნაწილმა საერთოდ უნდა დატოვოს სასამართლო სისტემა, ვინაიდან წლების განმავლობაში ისინი იყვნენ შემოქმედები უკანონობის წლების განმავლობაში,“ - განაცხადა "საიას" თავმჯდომარემ, სულხან სალაძემ.

საპროტესტო აქციის მონაწილეების შეფასებით, სასამართლო, ფაქტობრივად, ოკუპირებულია იმ ჯგუფის მიერ , რომლებიც მხილებულები არიან დანაშაულებში და ამ ქვეყნის სირცხვილს წარმოადგენენ.

„მათი დღევანდელი შეხვედრა არის არალეგიტიმური და ის ვერ ჰპოვებს აღიარებას საზოგადოების მხრიდან. ეს არის მთავარი გზავნილი ამ პროტესტის,“ - განაცხადა სმოქალაქო აქტივისტმა, ბექა წიქარიშვილმა.