დილიდან სოფელ ხურვალეთში რუსი ოკუპანტები გამოჩნდნენ. იმ ადგილას, სადაც გუშინ მათ მავთულხლართები გაავლეს, ე.წ. მესაზღვრეები მანქანით მივიდნენ.

ადგილობრივი მოსახლეობის ინფორმაციით, რუსმა ოკუპანტებმა ქუჯოშვილების ბაღში მავთულხლართების გავლება გააგრძელეს.

მავთულხლართების გავლების დროებით შეწყვეტილი პროცესი გუშინ ე.წ. მესაზღვრეებმა განაახლეს და საოკუპაციო ზოლში, სოფელ ხურვალეთში მცხოვრები ბატონისაშვილების ბაღის ნაწილი მოაქციეს.