არასამათავრობო ორგანიზაციების ნაწილი ეკა ბესელიასა და საპარლამენტო უმრავლესობის წევრების ნაწილს ხვდებიან.

აღნიშნული შეხვედრის მთავარი თემა მოსამართლეთა შერჩევის კრიტერიუმებია.

მესამე სექტორის მთავარი მოთხოვნა იუსტიციის უმაღლესი საბჭოს არსებული შემადგენლობის შეცვლაა:

„ჩვენ გვესმის, რომ იძულების ფორმით და სხვა მსგავსი ტიპის მოქმედებით პარლამენტი ვერ მიიღებს გადაწყვეტილებას საბჭოს წევრების შეცვლასთან დაკავშირებით. თუმცა ვფიქრობთ, რომ აუცილებელია საზოგადოების პროტესტი იმისთვის, რომ რეალურად საბჭოს იმ წევრებმა, ვინც მიიღეს გადაწყვეტილება სიის ნომინირების თაობაზე, მიიღონ გადაწყვეტილება და თავად დატოვონ თანამდებობები. ჩვენთვის მთავარი და მნიშნველოვანი დღეს სწორედ საბჭოს შემადგენლობაა. ჩვენ არ მივიღებთ მონაწილეობას სამუშაო ჯგუფში,“ - განაცხადა ახალგაზრდა იურისტთა ასოციაციის თავმჯდომარემ, სულხან სალაძემ.

ეკა ბესელია მიიჩნევს, რომ მნიშვნელოვანია, მოსამართლეთა შერჩევის საკითხზე იუსტიციის უმაღლესი საბჭოს ფუნქციები მინიმუმამდე შემცირდეს.

„კანონში გამართული პროცედურები უნდა გაიწეროს, ეს გულისხმობს ღია კონკურსის გამოცხადებას, პარლამენტში ამ პროცესის სრულად გადმოტანა, რომელიც მოსამართლეთა არჩევის და გადაწყვეტილების მიღების პროცესს ეხება, საბჭოს დარჩეს მხოლოდ მინიმალური პროცედურა, ეს არის სიის წარმოდგენა, მაგრამ არა იმ სახით, რომ მან თავად შეარჩიოს სასურველი კანდიდატები, არამედ წარუდგინოს პარლამენტს გაცილებით უფრო ფართო სია, რომლითაც წარმოდგენილნი იქნებიან მოსამართლეთა კანდიდატები, რომლებიც აკმაყოფილებენ კონსტიტუციით დადგენილ სტანდარტებს, თუმცა, შინაარსობრივ განხილვაში უნდა შევიდეს და არა იუსტიციის საბჭო, რომელსაც არა აქვს სანდოობა და საზოგადოებაში ნდობა, რომელიც ამ წუხილებს მოხსნიდა,“ - განაცხადა ეკა ბესელიამ.