29 დეკემბერს გავრცელდა ინფორმაცია, რომ ქუთაისში, ახლადრეაბილიტირებულ თეთრ ხიდზე ერთ- ერთ მინის ფილას ბზარები გაუჩნდა.

მერიის ზედამხედველობის სამსახურის უფროსმა, ზვიად ჯავახიამ განაცხადა, რომ გამოძიება დასრულებულია და ხიდის გაბზარვა „ბავშვების ხტუნაობამ“ გამოიწვია.

"პირველად თქვენი მეშვეობით მინდა ვთქვა, რომ დიახ, ძალიან კარგად იმუშავა ჩვენმა შინაგან საქმეთა სამინისტრომს ორგანოებმა, დიდი მადლობა მინდა გადავიხადო ყველა იმ თანამშრომლს, ვინც აღნიშნული საქმის გამოძიებაში და მოკვლევაშ იყო ჩართული.

და დაადგინეს იმის პიროვნებბი, რომლებმაც დააზიანეს ხიდი, თუმცა პირდაპირ გეტყვით, რომ ეს არის ბავშვების თამაში, რომლებიც დახტუნაობდნენ“ - განაცხადა მერიის ზედამხედველობის სამსახურის უფროსმა, ზვიად ჯავახიამ Mega.Tv-ის ეთერში.

თეთრი ხიდი მიმდინარე წლის 2 ნოემბერს საზეიმოდ გაიხსნა, თუმცა, გახნსიდან ორ დღეში ხიდზე რკინის ფილა ქარმა დააზიანა.

ქუთაისის მერიამ "ალმა რუსს", რომელმაც ხიდის რეაბილიტაცია განახორციელა, სამუშაოების უხარისხოდ შესრულების გამო ხელშეკრულება გაუწყვიტა.

ქალაქის მერმა კი წლის შემაჯამებელ შეხვედრაზე განაცხადა, რომ ხიდზე არსებული ხარვეზების გამოსასწორებლად ტენდერი გამოცხადდება.