მრგვალი მაგიდა "რუსთავი 2"-ის ეგიდით - შეხვედრაზე ცილისწამების შესახებ კანონში დაანონსებული ცვლილებები გააკრიტიკეს

პოლიტიკა - 16:38, 25 Jan, 2019

725

სასტუმრო რუსმში მიმდინარე ფორუმზე გააკეთა, რომელიც რუსთავი2-ის ეგიდით იმართება და ქართველი პოლიტიკოსები, ადგილობრივი და საერთაშორისო გავლენიანი არასამთავრობო ორგანიზაციების ხელმძღვანელები მონაწილეობენ ხელისუფლებს ინიციატივაზეც იმსჯელეს, რომელიც ცილისწამებას ეხება. მრგვალი მაგიდის მონაწილეების განცხადებით, თუ ხელისუფლება აღნიშნულ საკანონმდებლო ცვლილებას განახორციელებს, ქვეყანაში სიტყვის თავისუფლება მკვეთრად გაუარესდება, რაც დემოკრატიას დააზიანებს.

სამაუწყებლო კომპანია „რუსთავი 2“-ის გენერალური დირექტორის, ნიკა გვარამიას თქმით, თუ დღეს არსებული კანონით გათვალისწინებულ შეზღუდვებს კიდევ რამე დაემატება, ეს უკვე პოლიტიკური ცენზურის ფორმას მიიღებს:

„თუ ამ მიმართულებით რამე იცვლება, ეს უნდა იყოს საერთო პოლიტიკური კონსენსუსი შედეგი. ეს არის პრაქტიკულად კონსტიტუციის მიღების ტოლფასი, კონსტიტუციაში ცვლილების შეტანის ტოლფასი გადაწყვეტილებაა, ამიტომ, ეს ძალიან მნიშვნელოვანია. როგორიც არ უნდა იყოს შეზღუდვის კონტენტი, მათ შორის, ლეგიტიმური, მათ შორის, ძალიან ფრთხილი და დაბალანსებულიც, არ არის საქართველოში მთავარი ამ შეზღუდვის იმპლემენტატორის ნდობა, მისი თავისუფლება და მისი კვალიფიკაცია. ამიტომ, ნებისმიერი შეზღუდვა, გარდა იმ შეზღუდვებისა, რომელიც მიგვაჩნია, რომ სავსებით საკმარისია, დღევანდელი კანონით მოცემული შეზღუდვებისა, ნებისმიერი დამატებითი შეზღუდვა, მაღალი ალბათობით, საქართველოში მიიღებს პოლიტიკური ცენზურის ფორმას,“ - განაცხადა ნიკა გვარამიამ.

ხელისუფლების ინიციატივა მიუღებელია საქართველოს ჟურნალისტური ეთიკის ქარტიის აღმასრულებელი დირექტორის, ნატა ძველიშვილისთვის. მისი თქმით, აღნიშნული იდეა განხორციელების შემთხვევაში ქვეყანაში არსებულ სტანდარტს დააზიანებს.

„ჩვენ ძალიან შეშფოთებულები ვართ ვინაიდან მიგვაჩნია, რომ ჩვენნაირ ქვეყანაში ამ მიმართულებით რაიმეს გამკაცრება და საკანონმდებლო ცვლილებები დააზიანებს იმ სტანდარტს, რაც დღეს გვაქვს ქვეყანაში. ვინაიდან, ჩვენი კანონმდებლობა ძალიან კარგად პოულობს ბალანსს, ერთი მხრივ, გამოხატვის თავისუფლებას და მეორე მხრივ, ადამიანის პატივისა და ღირსების შელახვას შორის,“ - განაცხადა ნატა ძველიშვილმა.