სასტუმრო „ბუდაპეშტი“ ვაკის პარკში აღარ აშენდება - შეთახნმებას მერიასა და ინვესტორს შორის დღევანდელ შეხვედრაზე მიაღწიეს. როგორც ცნობილი გახდა, საუბარია ადგილმონაცვლეობაზე ან გამოსყიდვაზე.

საკითხზე „ნიუპოსტთან“ კომენტარი „ევროპული საქართველოს“ ერთ-ერთმა ლიდერმა, გოკა გაბაშვილმა გააკეთა და განაცხადა, რომ მსგავსი შეთანხმება წლების წინ უნდა ყოფილიყო მიღწეული და გაუგებარია, რატომ დაიკარგა დრო.

„ის, რაც დღეს მერიამ გამოაცხადა და რა შეთანხმებამდეც მისულა ინვესტორთან, ეს უნდა გაეკეთებინა კარგახნით ადრე, გაუგებარია, საერთოდ რატომ მიიყვანეს საქმე ამ საზოგადოებრივი პროტესტის მეორე ტალღამდე, წლების წინ იყო ცნობილი, რომ ეს მშენებლობა პრობლემურია და ამდენი დროის დაკრაგვა იმაში, რომ ინვესტორს აქამდე არ მოელაპარაკნენ და ან მონაცვლეობის, ან გამოსყიდვის გზით არ წავიდნენ წლების წინ, ამდენი დრო დაკარგეს ამ უაზრო დავაზე, იყო გაუგებარი. ამიტომ, ის, რაც გაკეთდა ახლა, უნდა გეკეთებულიყო რამდენიმე წლის წინ და საერთოდ აღარ იყო აუცილებელი ამ პროტესტის მეორე ტალღამდე მისვლა“, - განაცხადა გოკა გაბაშვილმა.