ოპოზიცია: ზაზა ოქუაშვილი პოლიტდევნილია - ომეგას დამფუძნებელს დეპუტატის უფლებამოსილება შეუწყდა

პოლიტიკა - 16:09, 24 Jan, 2019

774

აჭარის უმაღლესი საბჭოს რიგგარეშე სხდომაზე, რომელიც ხმაურის ფონზე მიმდინარეობდა, დეპუტატებმა „ომეგა ჯგუფის“ დამფუძნებლისთვის და საბჭოს წევრისთვის, ზაზა ოქუაშვილისთვის დეპუტატის მანდატის შეწყვეტის საკითხზე იმსჯელეს, რის შედეგადაც, ზაზა ოქუაშვილს აჭარის უმაღლესი საბჭოს დეპუტატის უფლება-მოსილება შეუწყდა. გადაწყვეტილება 10 ხმით მიიღეს, წინააღმდეგი 4 დეპუტატი იყო.

სხდომა განცხადებებით დაიწყო, ურთიერთბრალდებები კი ხმაურში გადაიზარდა. „ნაციონალური მოძრაობა“ ზაზა ოქუაშვილისთვის მანდატის შეჩერების საკითხის გადადებას დეპუტატის საქართველოში ჩამოსვლამდე ითხოვდა. მათივე თქმით, ზაზა ოქუაშვილი პოლიტიკური დევნილია.

ზაზა ოქუაშვილი უმაღლეს საბჭოში„პატრიოტთა ალიანსის“პარტიული სიით მოხვდა. მან აჭარის საკანონმდებლო ორგანოს დეპუტატის მანდატის ვადამდე შეწყვეტის მოთხოვნის განცხადებით 20 დეკემბერს მიმართა, თუმცა ოპოზიციის მტკიცებით, სხდომაზე ოქუაშვილის განცხადების დედანი კი არა, ასლი იყო წარმოდგენილი, რაც უკანონობაა.

„ომეგაჯგუფის" დამფუძნებელ ზაზა ოქუაშვილს და სახელმწიფოს შორის უთხმოება რამდენიმე თვის წინ დაიწყო. „ომეგა“ აცხადებდა, რომ სახელმწიფო მასზე რეკეტს ახორციელებდა. ამას ადასტურებდა ფარული ჩნაწერები, რომელიც „რუსთვი 2“- გაასაჯაროვა.