ხუან გუაიდო ვენესუელას დროებითი პრეზიდენტი - აღიარებას საქართველოც უერთდება. ამის შესახებ პრემიერ-მინისტრმა მამუკა ბახტაძემ „ტვიტერზე“ დაწერა.

„გამოვთქვამთ იმედს, რომ ვენესუელას ასამბლეა გარდამავალ მთავრობას შექმნის, თავისუფალი და სამართლიანი არჩევნებისთვის მოემზადება და ძალაუფლების მშვიდობიან გადაბარებას უზრუნველყოფს. საქართველო მხარს უჭერს ვენესუელას მამაც ხალხს დემოკრატიისთვის ბრძოლის საქმეში“, - აცხადებს მამუკა ბახტაძე.

როგორც ცნობილია, გუშინ ვენესუელას პარლამენტის თავმჯდომარემ და ოპოზიციის ლიდერმა ხუან გუაიდომ თავი დროებით პრეზიდენტად გამოაცხადა.