თბილისის საკრებულოს ოპოზიცია ხმაურიანი სხდომისთვის ემზადება. დეპუტატების განცხადებით, სარევიზიო კომისია აქტუალურ საკითხებს შესაბამისი ყურადღების გარეშე ტოვებს, შესბამისად ის საკუთარ უფლებამოსილებას ვერ ახორციელებს. მსგავს საკითხებს შორისაა ბაღებში შეტანილი უხარისხო საკვებიც.

ერთ-ერთი საკითხი, „ქართული ოცნების“ დეპუტატის ბექა ოდიშარიას მიერ თაბორის მთაზე დაგეგმილ სასტუმროს მშენებლობას უკავშირდება.

„ორ მნიშვნელოვან საკითხს დააყენებს ოპოზიცია ამ კომისიის სხდომაზე, პირველი ეხება ოდიშარიას მშნებლობის ნებართვას და იმას, რომ სანამ ოპოზიცია განცხადებას არ გააკეთებდა, ფაქტობრივად ყველა ნებართვა ჰქონდა გაცემული და ამ დრომდე გაჩერებულია იმიტომ, რომ მათ შორის ეს ინფორმაცია ჩვენ გავასაჯაროვეთ და რა პოზიცია ექნება სარევიზიო კომისიას, არის ძალიან მნიშვნელოვანი, ასევე ჩვენ დავაყენებთ საკითხს, რომელიც ეხება ბაგა-ბაღებში 60 ათასი ბავშვის კვებას, სადაც მერიის დასკვნით საუბარია იმაზე, რომ ოთხი პროდუქტი - თევზი, ხაჭო, ყველია უხარისხოდ შეჰქონდათ დედაქალაქის ბაღებში“, - განაცხადა ლევან ხაბეიშვილმა.