"ვაჟღერებთ გზავნილს, რომ ვაძლიერებთ პარტნიორობას" - იენს სტოლტენბერგი საქართველოში მარტში ჩამოვა

პოლიტიკა - 17:54, 23 Jan, 2019

872

ჩრდილოატლანტიკური ალიანსის გენერალური მდივანი იენს სტოლტენბერგი საქართველოში მარტში სამუშაო ვიზიტით ჩამოვა. ამის შესახებ სტოლტენბერგმა პრეზიდენტ სალომე ზურაბიშვილთან შეხვედრის შემდეგ გამართულ ბრიფინგზე განაცხადა.

სტოლტენბერგის თქმით, ასეთი ხშირი ვიზიტებით ჟღერდება მესიჯი იმის შესახებ, რომ ნატო-საქართველოს პარტნიორობა მყარდება:

„მე საქართველოში ვიზიტს განვახორციელებ მარტში და ველი ამ საშუალებას, რადგან საქართველოში რამდენიმეჯერ ვარ ნამყოფი, ეს გახლავთ ვიზიტი ქვეყანაში, რომელიც ძალზედ მომხიბლავია, ვიზიტის ამოცანა გახლავთ კიდევ ერთხელ გავმართოთ მოლაპარაკება თბილისში ჩვენი პარტნიორების გაძლიერებაზე, დავესწრები ასევე, ნატო-საქართველოს წვრთნებს, ამის მეშვეობით ვაჟღერებთ გზავნილს, რომ ვაძლიერებთ პარტნიორობას, რაც სასარგებლოა ნატოსთვისაც და საქართველოსთვისაც. თუ საქართველომ გადაწყვიტა გახდეს ნატო-ს წევრი, ეს არის საქართველოს და ნატო-ს წევრი ქვეყნების გადასაწყვეტი. ჩვენ არასდროს მივიღებთ იმას, რომ რუსეთის მსგავსი ქვეყნები თავიანთი გავლენის სფეროებს აწესებდნენ თუ რისი გაკეთება შეუძლია და რისი არა ამა თუ იმ ქვეყანას“, - განაცხადა იენს სტოლტენბერგმა.