"უკვე მეშინია, მგონი, ვერავინ გვიპოვის" - ემილიანო სალას ბოლო შეტყობინება თვითმფრინავიდან

პოლიტიკა - 16:20, 23 Jan, 2019

4929

ნორმანდიის კუნძულების სამძებრო საავიაციო დანაყოფმა თვითმფინავის ნაწილები აღმოაჩინა, რომელიც სავარაუდოდ 21 იანვარს დაკარგულ ბორტს ეკუთვნის, რომლითაც „კარდიფ სიტის“ ახლაწვეული, არგენტინელი ფეხბურთელი 28 წლის ემილიანო სალა მგზავრობდა. ასევე ინტერნეტში გავრცელდა აუდოშეტყობინებაც, რომელიც ფეხბურთელმა მეგობრებს მანამდე გაუგზავნა Whatsapp-ით , ვიდრე კერძო თვითმფრინავი ლა-მანშის ზემოთ რადარებიდან გაქრებოდა. შეტყობინებაში სალა თვითმფრინავის ცუდ მდგომრეობაზე საუბრობს.

"როგორ ხართ ძმებო? მართლა ძალიან დაღლილი ვარ. ნანტში ვიყავი და იმდენი საქმე მაქვს, სულ საქმე, საქმემ საქმე და ეს არასოდეს მთავრდება“ - ამბობს ნანტე ერთ-ერთ მესიჯში.

«ახლა თვითმფრინავში ვარ და ისეთი გრძნობა მაქვს, რომ დაიშლება. კარდიფში მივფრინავ, საგიჟეთია. ხვალ ახალ კლუბში უნდა ვივარჯიშო ბიჭებო, ახალ კლუბში ვარ" - ეს მეორე შეტყობინებაა.

„ბიჭებო, ყველანი კარგად ხართ? თუკი ჩემგან უახლოეს საათ-ნახევარში ინფორმაციას ვერ მიიღებთ, მგონი სამაშველო გუნდი დაგვჭირდება. არ ვიცი, ვინმეს გამოგზავნიან თუ არა, მაინც ვერ გვიპოვიან. უკვე მეშინია“ - ეს კი მისი უკანასკნელი შეტყობინება აღმოჩნდა.

ემილიანოს მამამ დაადასტურა, რომ ხმა, რომელიც აუდიოჩანაწერში ისმის, მის შვილს ეკუთვნის.

ემილიანო სალა ნანტიდან კარდიფში კლუბში მისი დებიუტისათვის მიფრინავდა. ის საფეხბურთო კლუბ Nantes-ში თამაშობდა და უელსურმა კლუბმა გასულ კვირას 17 მილიონ ევროდ შეიძინა.