საქართველოში ამერიკის შეერთებული შტატების ელჩის მოვალეობის შემსრულებლის როს იულსონის განცხადებით, საქართველოს ოკუპირებულ ტერიტორიებზე ჰუმანიტარული კრიზისია. მისივე თქმით, იმედს იტოვებენ, რომ არსებული ვითარება მალე შეიცვლება:

„ამერიკის შეერთებული შტატები აღიარებს საქართველოს ტერიტორიულ მთლიანობას მის საერთაშორისოდ აღიარებულ საზღვრებში. ჩვენ არ ვაღიარებთ აფხაზეთისა და სამხრეთ ოსეთის დეფაქტო ხელისუფლებას და არ გვაქვს მათთან ურთიერთობა. რა თქმა უნდა, ჩვენ ვხედავთ, რომ რეგიონებში ჰუმანიტარული კრიზისია და იმედი გვაქვს, რომ ვითარება უახლოეს მომავალში შეიცვლება,”- აცხადებს საქართველოში ამერიკის შეერთებული შტატების ელჩის მოვალეობის შემსრულებელი, როს იულსონი.