ამ ეტაპზე არ გვაქვს განზრახვა, შეჩერების მექანიზმის ამოქმედება მოვითხოვოთ - რა განცხადებებს აკეთებენ ევროპელი ლიდერები

პოლიტიკა - 10:46, 23 Jan, 2019

847

ბრიუსელში აცხადებენ, რომ ამ ეტაპზე არ აქვთ განზრახვა, შეჩერების მექანიზმის ამოქმედება მოახდინონ.

„ევროკომისია კმაყოფილია, თუ როგორ ართმევს თავს საქართელო ვიზალიბერალიზაციასთან დაკავშირებულ პრობლემებს. ეს ის პრობლემებია, რომლებიც არა მხოლოდ საქართველოს, არამედ უვიზო მიმოსვლის მქონე სხვა ქვეყნებსაც ეხება. ჩვენ რეგულარულად ვამოწმებთ მონაცემებს იმის შესახებ, იზრდება თუ არა თავშესაფრის მაძიებელთა რიცხვი ამ ქვეყნებიდან და ჩვენი შთაბეჭდილებაა, რომ ეს რიცხი არ იზრდება. ვითარება კონტროლის ქვეშაა და საქართველოს მთავრობა ყველაფერს აკეთებს იმისთვის, რომ ეს ნაკადი შეამციროს,“- განაცხადა ევროკომისიის პრეზიდენტმა, ჟან-კლოდ იუნკერმა.

განცხადება ევროკომისარმა გაფართოებისა და ევროპული სამეზობლო პოლიტიკის საკითხებში, იოჰანეს ჰანმაც გააკეთა.

„წელიწადში ერთხელ ევროკავშირში მზადდება ანგარიში, სხვადასხვა ქვეყანასთან უვიზო მიმოსვლის შემოღების შედმეგ შექმნილი ვითარების შესახებ. რა თქმა უნდა, არსებობს ევროკავშირის ქვეყნებში თავშესაფრის მაძიებელთა გარკვეული რაოდენობა, რომელთა მოთხოვნაც არ დაკმაყოფილდა. თუმცა მათი რიცხვი მცირეა ადამიანების იმ რაოდენობასთან შედარებით, რომლებმაც უვიზო მიმოსვლის შესაძლებლობა, ევროპაში მოგზაურობისთვის გამოიყენეს. ამ ეტაპზე არ გვაქვს განზრახვა, შეჩერების მექანიზმის ამოქმედება მოვითხოვოთ,“- განაცხადა ევროკომისარმა გაფართოებისა და ევროპული სამეზობლო პოლიტიკის საკითხებში, იოჰანეს ჰანმა.