"საქართველოში საპრეზიდენტო არჩევნებმა დარღვევებით ჩაიარა" - გავლენიანი დასავლელი დიპლომატები The National Interest-ზე სტატიას აქვეყნებენ

პოლიტიკა - 10:59, 23 Jan, 2019

976

ამერიკული გამოცემა The National Interest-ზე გამოქვეყნებულ სტატიაში, რომლის ავტორების არიან საქართველოში ევროკომისიის წარმომადგენლობის ყოფილი ხელმძღვანელი - დენის კორბოი და საქართველოში შეერთებული შტატების ყოფილი ელჩები: კენეთ იალოვიცი და უილიამ კორტნი, სამხრეთ კავკასიის რეგიონის ქვეყნებში დემოკრატიის მდგომარეობაზეა საუბარი და აღნიშნულია, რომ საქართველომ და სომხეთმა ვარდების დ ხავერდოვანი რევოლუციების შემდეგ დემოკრატიის მშენებლობის მიმართულებით პროგრესს მიაღწიეს, თუმცა ხაზგასმულია ის პრობლმები, რომელიც დემოკრატიას საფრთხეს უქმნის.

„საქართველომ დემოკრატიის მშენებლობაში პროგრესი განიცადა, რაზეც მეტყველებს განვლილი საპარლამენტო და საპრეზიდენტო არჩევნები, რომლებმაც დამოუკიდებელი დამკვირვებლების მხრიდან მაღალი შეფასება მიიღეს, თუმცა ბოლო საპრეზიდენტო არჩევნების მეორე ტური დარღვევებით ჩატარდა. ის მოიგო სალომე ზურაბიშვილმა, საქართველოს ყოფილმა საგარეო საქმეთა მინისტრმა, რომელიც დამოუკიდებელი კანდიდატი იყო, თუმცა ფაქტობრივად მმართველი პარტიის და მისი ლიდერის ბიძინა ივანიშვილის მედროშე იყო. საერთაშორისო დამკვირვებლებმა გააკრიტიკეს ადმინისტრაციული რესურსის ბოროტად გამოყენება, სამოქალაქო სექტორზე თავდასხმა და თანაბარი საარჩევნო გარემოს არარსებობა.“- აღნიშნულია სტატიაში.

როგორც სტატიაშია ნათქვამი, ბალტიის ქვეყნების შემდეგ, საქართველო გახდა პირველი ყოფილი საბჭოთა ქვეყანა, რომელსაც ქალი პრეზიდენტი ჰყავს. ქართული დემოკრატიის მომავალი დიდი გამოწვევა კი 2020 წელს თავისუფალი და სამართლიანი საპარლამენტო არჩევნების ჩატარება იქნება.