მეტრო „რუსთაველის“ რეაბილიტაციისას ვეფხვის გამოსახულებების ასლებით ჩაანაცვლების შესახებ ინფორმაცია სიმართლეს არ შეესაბამება

მეტრო „რუსთაველის“ რეაბილიტაციისას ვეფხვის გამოსახულებების ასლებით ჩაანაცვლების შესახებ ინფორმაცია სიმართლეს არ შეესაბამება - თბილისის მერია

პოლიტიკა - 13:46, 22 Jan, 2019

964

მეტროსადგურ „რუსთაველზე“ ვეფხვის სტილიზებული გამოსახულებების ჩამოხსნასთან დაკავშირებით გავრცელებულ ინფორმაციას თბილისის სატრანსპორტო კომპანია ეხმაურება:

“გვსურს, გამოვეხმაუროთ ბოლო პერიოდში, სოციალურ ქსელში გავრცელებულ ინფორმაციას, თითქოს, მეტროსადგურ „რუსთაველის“ რეაბილიტაციის ფარგლებში, ვეფხვის სტილიზებული გამოსახულებით კონსტრუქცია ჩამოიხსნა და ისინი მისი ასლებით ჩანაცვლდა, რაც სიმართლეს არ შეესაბამება.

გასული წლის დეკემბერში, თბილისის სატრანსპორტო კომპანიამ მეტროსადგურების რეაბილიტაციის პროექტის ფარგლებში, ვეფხვის გამოსახულებიანი კონსტრუქცია მისი შემდგომი რეაბილიტაციის მიზნით, დროებით ჩამოხსნა. სამუშაოების დროს, გამოიცვალა დამცავი ბადე, ხოლო თავად ალუმინის მასალისგან დამზადებული კონსტრუქცია გაიწმინდა და დაიფერა.

ვეფხვის გამოსახულების რესტავრირება საპროექტო დედანის ნახაზების მიხედვით ჩატარდა (გთხოვთ იხილოთ ნახაზები).

აღდგენითი სამუშაოების დასრულების შემდეგ, სტილიზებული გამოსახულებები იმავე ადგილას, მეტროსადგურის ქვედა ვესტიბიულის კოლონებზე დამონტაჟდა.“- აღნიშნულია განცხადებაში.