უზენაესი სასამართლოს არამოსამართლე წევრმა ანა დოლიძემ მოსამართლეობის კანდიდატების მიერ თვითაცილების მოთხოვნაზე საუბრისას განაცხადა, რომ აღნიშიშნული რეალურად არაფერს ცვლის.

დოლიძე მიიჩნევს, რომ შესაძლებელია ახალი პროცედურების შემდეგ კვლავ დააპირონ პირადად ჩინჩალაძის ან კოლექტიური მურუსიძეებიდან ვინმეს შეყვანა სიაში:

„ეს მიმართვა არის მკვდარზე მიყოლებული თაიგული, რეალურად საერთოდ არაფერს არ ცვლის, არის ფორმალური გაფორმება იმის, რაც ჩვენ შევძელით და ეს არის სიის გაგრძელება. სინამდვილეში რეალურ ეფექტს რომ შევხედოთ, კვლავ რჩება შესაძლებლობა, საბჭომ მიიღოს მწარე გამოცდილება და შეიძლება ახალი ფორმით, შეცვლილი კრიტერიუმებით, იგივე ან სხვა გვარ-სახელები შემოგვთავაზონ კოლექტიური მურუსიძის სიიდან.

უნდა ვიყოთ ფხიზლად. იმიტო არის მკვდარზე მიყოლებული თაიგული, რომ თითქმის ერთი თვე, დასჭირდათ ამ ე.წ. მაღალი კალიბრის იურისტებს, რომ ხმა ამოეღოთ ამ საკითხზე. დაგვიანებულია ძალიან“, – განაცხადა ანა დოლიძემ.