„10 თვის წინ გარდაცვლილი პირის გვამი აჩვენეს“ - რას ჰყვებიან ლიბიაში გაუჩინარებული ქართველი მეზღვაურის ოჯახის წევრები

პოლიტიკა - 12:59, 21 Jan, 2019

4877

ლიბიაში გაუჩინარებული 23 წლის ქართველი მეზღვაურის დავით რაზმაძის ოჯახის ინფორმაციით, რაზმაძის დედას ეგვიპტის საკონსულომ უცნობი ცხედრის ფოტოები გადმოუგზავნა ამოსაცნობად.

ახალგაზრდა ბიჭის დედა კი ამბობს, რომ მას გაუგზავნეს ფოტოები, რომ თითქოს მისი შვილის ცხედარი იპოვეს და გადამოწმების მიზნით DNM-ს სთხოვენ.

ახალგაზრდა მეზღვაურის ახლობლებს მომხდარის ვერსიებზე საუბარი უჭირთ და ეჭვი აქვთ, რომ ის დაპატიმრებულია.

ბიჭის ბებია და ბიცოლა აცხადებენ, რომ მასთან კონტაქტი 2 კვირის წინ შეწყდა.

ნინი ლაბაძე ამბობს, რომ 23 წლის ქართველი მეზღვაურის დედისთვის გადაგზავნილ ფოტოებზე დავით რაზმაძე არ არის ასახული.

„ფოტოები ლიბიის პოლიციამ გადაუგზავნა დავითის მამობილს. დადასტურებული არ არის, რომ ეს დავით რაზმაძეა, ცხედარი მას არ ეკუთვნის. კიდევ იპოვეს ცხედარი, რომელიც არ არის დათო. 10 თვის წინ გარდაცვლილი პირის გვამი აჩვენეს...

ჩვენ იმედი გვაქვს, რომ ის ცოცხალია, იმედი გვაქვს, რომ ის გემიდან ჩასულია და დაკავებულია და გვჭირდება ძალიან სწრაფი რეაგირება. უკვე ძალიან გადავიღალეთ და უკვე ძალიან განვიცდით ამ ყველაფერს"- განაცხადა ლაბაძემ.

მისი თქმით, დავით რაზმაძის მამის ძმა და მისი მეუღლე 2008 წლის ომის დროს, გორის ვერხვების დასახლების დაბომბვისას დაიღუპნენ.

დავით რაზმაძის მამის, ზაზა რაზმაძის ფოტომ, სადაც იგი დაღუპული ძმის ცხედარს დასტირის, მთელი მსოფლიო შეძრა. თავად ზაზა რაზმაძე კი 2014 წელს უბედურმა შემთხვევამ იმსხვერპლა.

"ომის შემდეგ ბავშვი უსახლკაროდ დარჩა. დედა კი ყავს, თუმცა წლებია თურქეთში ცხოვრობს. ისინი ერთად არ ცხოვრობდნენ.

ჩვენ ბიძამ და ბიცოლამ, ოჯახმა გადავწყვიტეთ მისი სურვილისამებრ, დათოს საზღვაოში ჩაებარებინა. სახელმწიფოს მხრიოდან დათოს მისამართით არანაირი თანადგომა არ ყოფილა. აქიდან გამომდინარე, ის ცდილობდა თავისით, მისი მიზნები განეხორციელებიან"- ამბობს გაუჩინარებული ბიჭის ბიცოლა.