"ქართული ოცნების“ სადამსჯელო ბრიგადები - დაუსჯელი ზონდერები, რომლებიც კორცხელში პოლიტიკოსებს სცემდნენ, ახლა კი გამოჩენილ სპორტსმენებს უსწორდებიან (ვიდეო)

პოლიტიკა - 21:19, 19 Jan, 2019

3014

11 იანვარს თბილისის სპორტის სასახლეში მიმდინარე საქართველოს ჩემპიონატის საშეჯიბრო დღე სკანდალურად დასრულდა.

87 კგ წონითი კატეგორიის ფინალში ერთმანეთს რობერტ კობლიაშვილი და ზურაბ დათუნაშვილი დაუპირისპირდნენ. დაძაბული შეხვედრის ბოლოს, მსაჯმა კობლიაშვილს ქულა მისცა და ისიც ერთი ქულით დაწინაურდა, რაც ზურაბ დათუნაშვილმა გააპროტესტა. მსაჯის მიღებულ გადაწყვეტილებას მასობრივი ჩხუბი მოჰყვა. დაპირისპირებაში ჩართულნი იყვნენ როგორც თავად სპორტსმენები, აგრეთვე საქართველოს ჭიდაობის ფედერაციის წარმომადგენლები. შედეგად რამდენიმე ადამიანმა დაზიანებები მიიღო. მოჩხუბრების გაშველება დაცვის სამსახურს მოუწია. შედეგად, დათუნაშვილი შეჯიბრიდან მოხსნეს, ხოლო გამარჯვებულად კობლიაშვილი გამოცხადდა.

როგორც შემდგომშ გაირკვა ჩხუბში ჩართული იყო ფედერაციის პრეზიდენტი გეგა გეგეშიძეც და მან ზუურაბ დათუნაშვილს ბლაგვი საგნით თავის არეში დაზიანებები მიაყენა. ამის შესახებ დათუნაშვილი გავრცელებულ მიმართვაში წერდა.

კადრებში ჩანს, რომ ჩოჩქოლის დროს ფედერაციის პრეზიდენტი, გეგა გეგეშიძე, ევროპის ორგზის ჩემპიონს ჯაჭვით ხელში უახლოვდება, რომელსაც ზურა დათუნაშვილის მიმართულებით იქნევს. სპორტსმენს ჯერ ჯაჭვი, შემდეგ კი მუშტი სახეში ხვდება.

სპორტსმენი ზურაბ დათუნაშვილი კურიერთან ინტერვიუში თავდასხმის დეტალებს აღწერს და სპორტულ სამყაროს დახმარებას სთხოვს.

გეგა გეგეშიძე ხელისუფლების "თავდასმხმელთა რაზმებთან" დაახლოვებული პირია. მისმა ძმამ ვლადიმერ გეგეშიძემ პირადად სცემა ოპოზიციის ლიდერები კორცხელში. მიუხედავად იმისა, რომ გეგეშიძის წინააღმდეგაც ვიდეომტკიცებულებები არსებობდა, პოლიციას ვლადიმერ გეგეშიძე არ დაუკავებია.

მაშინ, როდესად ჭიდაობის ფედერაციის პრეზიდენტი სპორტსმენს ფიზიკურად უსწორდებოდა, მის გვერდით იდგა კორცხელის სისხლიანი მოვლენების მონაწილე და ოპოზიციის მიერ "ოცნების ზონდერად" გამოცხადებული გიორგი (ჯიჯა) გიგაური და ვლადიმერ გეგეშიძე - ფედერაციის პრეზიდენტის ძმა.

არსებობს ვერსია, რომ ხელისუფლება სპორტსმენებს ოპოზიციაზე თავდასხმებისთვის იყენებს, სანაცვლოდ კი ისინი ხელშეუხებლობის გარანტიით სარგებლობენ.

ეს არ არის პირველი დანაშაული, რომელიც ქართულ ოცნების თავდამსხმელთა რაზმის წევრებს აპატიეს. თბილისის ჭიდაობის ფედერაციის გენერალური მდივანს, გოჩა ჩორგოლიანს, გეგეშიძე თავს ერთი წლის წინ დაესხა და სასტიკად სცემა.

ჩორგოლიანმა ამ თავდასხმის შემდეგ ტვინის შერყევა მიიღო, საქმეც ფორმალურად აღიძრა, თუმცა, პოლიციამ დანაშაული მიჩქმალა და დაზარალებული არც კი გამოკითხა.

სპორტის მოქმედი მინისტრი ამბობს, რომ მომხდარით აღშფოთებულია, თუმცა არ იცის, რატომ აფარებს ხელს მისი კოლეგა პოლიციიდან თავდამსხმელს.

შინაგან საქმეთა სამინისტროში ადასტურებენ, რომ მომხდარ ფაქტზე გამოძიება სსსკ-ის 126-ე მუხლით დაწყებულია, რაც ძალადობას გულისხმობს.