"შესაძლოა არაობიექტური ინფორმაციის მიწოდებასთან გვქონდეს საქმე"

"შესაძლოა არაობიექტური ინფორმაციის მიწოდებასთან გვქონდეს საქმე" - Human Rights Watch-ის უმწვავეს ანგარიშზე

პოლიტიკა - 19:43, 17 Jan, 2019

988

პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე, სოფო კილაძე არ გამორიცხავს, რომ საერთაშორისო უფლებადამცველ ორგანიზაციას Human Rights Watch-ს Freedom House-ის ანგარიშის მსგავსად, არასწორი ინფორმაცია მიაწოდეს.

„საუბარი არის იმაზე, რომ ქართული დემოკრატია საფრთხეში არის. მე მგონია, რომ ეს არის ძალიან ზედმეტად გადაჭარბებული შეფასება იმიტომ, რომ ქართული დემოკრატია საფრთხეში კი არ არის, პირიქით, ვითარდება. წინა წელს იყო Freedom House-ის ანგარიშში ფაქტობრივი უზუსტობები. ამაზე პარლამენტის თავმჯდომარემ გააკეთა მაშინ განცხადება, რომ Freedom House გარკვეული ორგანიზაციების მხრიდან იყო შეცდომაში შეყვანილი. ვფიქრობ, რომ ამ შემთხვევაშიც შესაძლებელია, ასეთ შეცდომებთან გვქონდეს საქმე და ასეთ არაობიექტურად მიწოდებულ ინფორმაციასთან,“ - განაცხადა სოფო კილაძემ.

საპრეზიდენტო არჩევნები Human Rights Watch-ის ანგარიშში მოხვდა. საერთაშორისო უფლებადამცველ ორგანიზაციას ანგარიშში საერთაშორისო დამკვირვებლების დასკვნა მოჰყავს, რომელშიც საუბარი იყო ადმინისტრაციული რესურსის ბოროტად გამოყენებაზე.