"ვიღაცეები მილიონებს შოულობენ და შემდეგ ადამიანის სიცოცხლეს ექმნება საფრთხე" - ოპოზიცია ბიზნესინტერსებზე საუბრობს და სამშენებლო რეგულაციების გამკაცრებას ითხოვს

პოლიტიკა - 15:57, 17 Jan, 2019

790

„ერთიანი ნაციონალური მოძრაობა“ ხელისუფლებას სამშენებლო და უსაფრთხოების რეგულაციების გამკაცრებისკენ მოუწოდებს. თბილისის საკრებულოს დეპუტატი ლევან ხაბეიშვილი აცხადებს, რომ ადამაინების სიცოცხლე სხვადასხვა ბიზნესინტერესებს ეწირება.

"ადამიანის სიცოცხლეს ასე მარტივად არ უნდა უყურებდეს მათ შორის სახელმწიფო, სანამ ექსპლოატაციაში არ შევა კორპუსი წარმოუდგენელია სხვა სამუშაოები გაწერო. როცა პრობლემა აქვს კორპუსს და ამიტომ არ შედის ექსპლოატაციაში გაზი რატომ უნდა იყოს იქ?

ბიზნესინტერესებს ეწირება ნამდვილად, ყაზტრანსგაზი ერთ წუთს არ გაპატიებთ თუ არ გადაიხდით. თუმცა როცა მოქალაქეები ამბობენ, რომ შეტყობინება შევიდა, მოდის ყაზტრანსგაზის თანამშრომელი და ამბობს, რომ ნუ პანიკობთ არაფერი ხდება, შემდეგ მიდის და ასეთი ტრაგედია ხდება - სერიოზული პრობლემაა. მათ შორი სახელმწიფოს როლი ძალიან მნიშვნელოვანია, ყველამ კარგად ვიცით ყაზტრანსგაზთან დაკავშირებით, რომ მას შემდეგ რაც ხელისუფლება შეიცვალა მთელი მენეჯმენტი გადაიბარა კახი კალაძემ. ვიღაცეები მილიონებს შოულობენ, შემდეგ ადამიანის სიცოცხლეს ექმნება საფრთხე და ამაზე მხრებს იჩეჩავენ, რა თქმა უნდა, სწორი არ არის,“-ამბობს ხაბეიშვილი.