საქართველოს უმაღლეს საკანონმდებლო ორგანოში უზენაესი სასამართლოს მოსამართლეების შერჩევის საკითხთან დაკავშირებით შეხვედრა გაიმართა.

დეპუტატები ეკა ბესელია, დავით ჭიჭინაძე, ლევან კობერიძე, გედევან ფოფხაძე და ბექა ნაცვლიშვილი არასამთავრობო ორგანიზაციების წარმომადგენლებს შეხვდნენ.

ეკა ბესელლიას განცხადებით, მხარეები თანხმდებიან იმ საკითხზე, რომ მართლმსაჯულების რეფორმა უნდა გაგრძელდეს.

„ამ პროცესის გაგრძელების საჭიროებასთან დაკავშირებით განსხვავებული პოზიცია არავის აქვს. ყველა გვეთანხმება, რომ მართლმსაჯულების რეფორმის ბოლომდე მისაყვანად რამდენიმე საკითხის რეალიზება უნდა მოხდეს, რაც ეხება როგორც უზენაეს სასამართლოში მოსამართლეების მაღალი სტანდარტით შერჩევას, ასევე ეს პროცესი რეფორმის ბოლომდე მიყვანასა და იუსტიციის უმაღლესი საბჭოს საქმიანობის მოწესრიგებას გულისხმობს”, – აცხადებს ბესელია.