რატომ დაიხურა ჯვრის მონასტერი სამი დღით - აღნიშნულის შესახებ განმარტება „კურიერთან“ მონასტრის წინამძღვარმა მამა კონსტანტინე ჭინჭარაულმა გააკეთა. სასულიერო პირის განცხადებით, აღნიშნულის მიზეზი სწორედ გარევაჭრობა გახდა, რომლის მოგვარებასაც მონასტერი მცხეთის მერიას ორი წელია სთხოვს.

რაც შეეხება კითხვას, იყო თუ არა მისი გადაწყვეტილება პატრიართან შეთანხმებული, მამა კონსტანტინემ განმარტა, რომ აღნიშნულის შესახებ უწმინდესს მოგვიანებით ამცნო:

„არის როდესაც იღებ კურთხევას ადამიანი რაიმეზე, არის როცა შემდეგ უნდა მოახსენო მის უწმინდესობას ის ნაბიჯი რატომ გადადგი და რატომ გააკეთე. ჩვენ უწმინდეს მოვახსენე შემდგომში. გადაწყვეტილება ჩვენ მივიღეთ და საპატრიარქომ მერე გაიგო,“ – ამბობს კონსტანტინე ჭინჭარაული.

მამა კონსტანტინე აღნიშნავს, რომ კანონი უნდა შესრულდეს, რომლის მიხედვითაც, გარე ვაჭრობა აკრძალულია.

„კანონი უნდა შეასრულონ. კანონით არის აკრძალული,“ - აღნიშნა მამა კონსტანტინე ჭინჭარაულმა.