უზენაესი სასამართლოს მოსამართლეობის კანდიდატების სია - საპარლამენტო უმრავლესობის ლიდერის არჩილ ტალაკვაძის განცხადებით, აღნიშნული სიის გაწვევა-არგაწვევის საკითხი დღის წესრიგიდან მოხსნილია.

აღნიშნული განცხადებით, თალაკვაძე საკუთარი გუნდის ნაწილის, არასამთავრობო ორგანიზაციებისა და ოპოზიციის მოთხოვნებს გამოეხმაურა, რომლებიც იუსტიციის უმაღლესი სანჭოს მიერ შემუშავებული სიის უკან გაწვევას მოითხოვენ:

„პოლიტიკური შეთანხმება მიღწეულია, რომ ჩვენ ვიმუშავებთ რეგულაციებზე, რაც პროცედურებს და კრიტერიუმებს მოიცავს და ორგანული კანონის სახით დამუშავება და ამ კანონს ექნება უკუძალა, შესაბამისად, გაწვევა-არგაწვევის საკითხი დღის წესრიგიდან მოხსნილია. მნიშვნელოვანია, მოხდეს თანამშრომლობა ყველა ძირითად მხარეს შორის იმ რეგულაციებთან დაკავშირებით, რომელიც სასამართლოს უკავშირდება და უნდა წავიდეთ თანამშრომლობის გზით. ის, რომ ყველამ თავისი პროექტი, თავისი ინიციატივა დააყენოს, რა თქმა უნდა, ეს მიუთითებს დიდ ინტერესზე, მაგრამ საზოგადოებას სჭირდება, რომ ნახოს თანამშრომლობა,“ - განაცხადა არჩილ თალაკვაძემ.