დაზარალებულის სტატუსის გამარტივების მოთხოვნით საკონსტიტუციო სასამართლოში მალხაზ მაჩალიკაშვილისა და ქობულეთის მუსლიმური თემის ლიდერის, მერაბ მიქელაძის ერთობლივი სარჩელი შეიტანეს.

მოსარჩელეები დაზარალებულის სტატუსის მინიჭებას ითხოვენ, მათი თქმით, ისინი ამ დრომდე არ არიან აღიარებული დაზარალებულად, რის გამოც მათი ჩართვა სამართლებრივ პროცესებში ოფიციალურად ვერ ხერხდება. მათ ინტერესებს „ადამიანის უფლებების სწავლებისა და მონიტორინგის ცენტრი“ იცავს. EMC-ში აცხადებენ, რომ დაზარალებულის სტატუსთან დაკავშირებით ამჟამად კანონში არსებული ნორმა ბუნდოვანია და განსხვავებული ინტერპრეტაციის საშუალებას იძლევა, რაც დაუშვებელია.

„მოსარჩელეები არიან თემირლან მაჩალიკაშვილის მამა მალხაზ მაჩალიკაშვილი და ასევე ქობულეთის პანსიონატის ადინისტრაციის წარმომადგენელი მერაბ მიქელაძე. ორივე შემთხვევაში არსებობს საკმარისი გარემოება, რომ მათ დაზარალებულის სტატუსი მიენიჭოთ, მაგრამ არსებული სტანდარტიდან გამომდინარე პროკურატურა მათ უარს ეუბნება.“- განაცხადა ადამიანის უფლებების სწავლებისა და მონიტორინგის ცენტრის იურისტმა თამარ სამხარაძემ.