6 ჭრილობა დანით და ერთი ცეცხლსასროლი იარაღით - ვერაზე სისხლიანი გარჩევა დაპირისპირებულ დაჯგუფებებს შორის მოხდა

კრიმინალი - 20:57, 15 Jan, 2019

2466

როგორც ირკვევა, თბილისის ცენტრში მომხდარი სისხლიანი დაპირისპირების შედეგად 2 ახალგაზრდაა დაჭრილი. ზურაბ კუჭავას ცეცხლსასროლი იარაღიდან მიყენებული ჭრილობა კისრის არეში აღენიშნება. ხოლო გიორგი ადუაშვილს ცივი იარაღით 6 ჭრილობა მიაყენეს.

შეიძლება ითქვას, რომ ახალგაზრდები დაპირისპირებულ დაჯგუფებებს წარმოადგენენ.

კურიერის ინფორმაციით, მათი დაპირისპირება ექსპრეზიდენტ მარგველაშვილის სიძის, მინდია გოგოჭურის და თორნიკე კაჭარავას კონფლიქტს უკავშირდება და ეს კვლავ ორ სამეგობროს შორის სისხლიანი გარჩევის გაგრძელებაა, რადგან ადუაშვილი კაჭარავას მეგობარია და კუჭავა კი, სავარაუდოდ, გოგოჭურის.

ავტომობილის ჩაცხრილვას წინ ჩხუბი უძღოდა, რა დროსაც ადუაშვილი დაიჭრა, შემდეგ კი მან იმ ავტომობილისკენ ისროლა, სადაც კუჭავა იჯდა.

თბილისში, ტატიშვილის ქუჩაზე მოძრავ ავტომობილს ცეცხლი დღეს დაახლოებით 16:00 საათზე გაუხსნეს.

სათვალთვალო კამერებში ჩანს, რომ დაცხრილული ავტომობილის მძღოლმა მოძრაობა განაგრძო, ჩავიდა მელიქიშვილის ქუჩაზე და ფილარმონიის საკონცერტო დარბაზთან დაპარკინგებულ ერთ-ერთ ავტომობილს შეეჯახა და ტერიტორია დატოვა.