სროლის შემდეგ მძღოლმა, 1982 წელს დაბადებულმა თეიმურაზ ქვათაძემ საჭე ვეღარ დაიმორჩილა, მანქანიდან გადმოვიდა, ავტომობილი კი ფილარმონიასთან დაპარკინგებულ სხვა მანქანას შეეჯახა.
ქვათაძემ გაქცევა მოახერხა.
"ნიუპოსტის" ინფოპრმაციით თავდამსხმელების სამიზნე სწორედ ქვათაძე იყო. მეტიც, როგორც გავარკვიეთ, სროლას წინ გარჩევა უძღოდა, რა დროსაც ერთი პირი - გიორგი ადუაშვილი დაიჭრა.
მამაკაცი, არამიანცის კლინიკაშია მოთავსებულიი. არსებული ინფორმაციით, მისი მდგომარეობა მძიმეა. მას მედიკოსები ოპერაციას ამ წუთებში უკეთებენ.
ადუაშვილს 6 ჭრილობა აღენიშნება. მათ შორის ფეხის არეში ოთხი, იაღლიაში კი ორი.
მომხდარის მოტივი უცნობია, თუმცა ერთ-ერთი ვერსიით, კრიმიმალურ საქმეში საქართველოს მეოთხე პრეზიდენტის გიორგი მარგველაშვილის სიძის, მინდია გოგოჭირის უახლოესი მეგობრები ფიგურირებენ.
თვითმხილველების დაკითხვა პოლიციის განყოფილებაში ამ წუთებშიც მიმდინარეობს.
შინაგან სამეთა სამინისტრო მომხდარის დეტალებზე არ საუბრობს. როგორც "ნიუპოსტს" უწყებაში განუცხადეს, ფაქტთან დაკავშირებით გამოძიება სისხლის სამართლის კოდექსის 19-108-ე და 236-ე მუხლებით დაიწყო, რაც განზრახ მკვლელობის მცდელობას და ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს.
მასალის გამოყენების პირობები