საქართველოს იუსტიციის მინისტრმა თეა წულუკიანმა უკრაინის ეკლესიის ავტოკეფალიის საკითხზე კომენტარი გააკეთა. მინისტრის განცხადებით, აღნიშნულ საკითხზე გადაწყვეტილება ხელისუფლებამ ერთიანად უნდა მიიღოს და განცხადებაც უნდა იყოს საერთო:

„მე ვფიქრობ, რომ როგორც საერო, ისე სასულიერო ხელისუფლება ამ ძალიან მნიშვნელოვან თემაზე გააკეთებს თავის განცხადებას და მე არ ვფიქრობ, რომ ამ განცხადებების გაკეთებას, ერთმა რიგითმა და მით უმეტეს იუსტიციის მინისტრმა უნდა დაასწროს,“ - განაცხადა თეა წულუკიანმა.