პრობაციის ეროვნული სააგაენტოს მონაცემების მიხედვით, 2018 წლის ოქტომბრიდან დეკემბრამდე, საპრეზიდენტო არჩევნების პირველი და მეორე ტურის პერიოდში, პირობითი მსჯავრდებულის სტატუსი 3880 ადამიანს გაუუქმდა. აღსანიშნავია, რომ გასულ წლებში აღნიშნული მაჩვენებელი პირიქით, ზრდადი იყო. ოპოზიცია აღნიშნულს აფასებს და აცხადებს, რომ მერიამ წინასაარჩევნოდ ივაჭრა და მსჯავრდებულებს სტატუსი სალომე ზურაბიშვილის მხარდაჭერის სანაცვლოდ გაუუქმეს:

„პირობით მსჯავრდებულთა რიცხვი ყოველთვის იზრდებოდა და ის ფაქტობრივად არც ერთი თვის განმავლობაში მნიშვნელოვნად არ შემცირებულა. ასე, რომ ასეთი დრამატული შემცირება პირობით მსჯავრდებულთა რიცხოვნობის, როგორც ჩანს პირდაპირ უკავშირდება საპრეზიდენტო არჩევნებს, მის მეორე ტურს, როდესაც ხელისუფლებამ არჩევნებში გამარჯვების სანაცვლოდ ჩაიდინა ყველანაირი სამართალდარღვევა. გამოიყენა სრულად ადმინისტრაციული რესურსი და როგორც ჩანს წავიდა გარიგებაზე პირობით მსჯავრდებულებთან,“-განაცხადა „ევროპული საქართველოს“ წევრმა ირაკლი აბესაძემ.