მოსამართლეობის კანდიდატურების შერჩევის კრიტერიუმებთან დაკავშირებით ეკა ბესელია კონსულტაციებს აგრძელებს და დღეს ის იურიდიული ფირმებისა და ადვოკატთა ასოციაციების წარმომადგენლებს შეხვდება.

იურიდიულ საკითხთა კომიტეტის ყოფილი თავმჯდომარის თქმით, პროცესში პროფესიონალების ჩართულობა მნიშვნელოვანია, რადგან მათი რეკომენდაციების საფუძველზე მომზადდება კანდიდატების შერჩევის ის კრიტერიუმები, რომლებიც გამორიცხავს საბოლოო გადაწყვეტილების მიღებას კონკრეტული პირების გავლენების შედეგად.

„კონსულტაციებს გავმართავთ, ამის მიზანია, რომ ჩვენ მოვისმინოთ მათი მოსაზრებები და მაქსიმალურად შეჯერებული იყოს და თანხვედრაში ეს პოზიციები.“- განაცხადა ეკა ბესელიამ.