„კირკიტაძისთვის ველისციხის საქმეზე პატიმრობის გაგრძელების საფუძველი აღარ არსებობს“

„კირკიტაძისთვის ველისციხის საქმეზე პატიმრობის გაგრძელების საფუძველი აღარ არსებობს“ - ნიკა მელია

პოლიტიკა - 19:32, 14 Jan, 2019

2249

დავით კირკიტაძე დღეს სასამართლომ უდანაშაულოდ ცნო. საქმე ეხება ქვემო ქართლში დავით კირკიტაძის გუბერნატორად მუშაობის პერიოდს.

ბრალდების მხარე ირწმუნებოდა, რომ კირკიტაძე გუბერნიის ბალანსზე რიცხულ ძვირადღირებულ სპეცტექნიკას კანონდარღვევით, პირადი ინტერესებისთვისაც იყენებდა.

სასამართლოს ამ გადწყვეტილებას სოციალურ ქსელში ეხმაურება გაერთიანებული ოპოზიციის „ძალა ერთობაშია“ ერთ-ერთი ლიდერი და ენმ-ის პოლიტსაბჭოს თავმჯდომარე. ნიკა მელიას თქმით, თუკი ველისციხის საქმეზე დავით კირიკტაძისთვის გირაოს არშეფარდების მიზეზი, ე.წ. ტრაქტორების საქმეზე უკევ არსებული გირაო იყო, სასამართლოს დღევანდელი გადაწყვეტილების შემდეგ, კირკიტაძისთვის, ველისციხის საქმეზე პატიმრობის გაგრძელების საფუძველი აღარ არსებობს.

„დღეს, 2015 წელს პროკურატურის მიერ აღძრულ კომიკურ საქმეზე დათო კირკიტაძე გამართლდა.

ბრალდება გულისხმობდა, თითქოს წლების წინ გუბერნატორმა კირკიტაძემ გუბერნიის ბალანსზე არსებული ტრაქტორი, რამდენიმე დღით, კერძო კომპანიის სასარგებლოდ ამუშავა.

ახლა მთავარი:

გურჯაანში როცა მოსამართლემ კირკიტას წინასწარი პატიმრობა შეუფარდა, მოსამართლემ მიუთითა რომ ვინაიდან ტრაქტორის საქმეზე გირაო უკვე შეფარდებული აქვს, არ შეიძლება კიდევ ერთი გირაოს გამოყენება და ამიტომ წინასწარ პატიმრობაში უნდა გავუშვაო...

დღეს კი კირკიტა გამართლდა და აღმოჩნდა რომ პირველი გირაო უკანონო იყო და ბრალიც უკანონოდ წარუდგინეს.

შესაბამისად, ველისციხის საქმეზე პატიმრობის გაგრძელების საფუძველი აღარ არსებობს. გურჯაანელ მოსამართლეს კირკიტასთვის აღმკვეთი ღონისძიების შეცვლა და გარეთ გამოშვება მოუწევს.“ - წერს ნიკა მელია.