სამშობლოს ღალატის ბრალდებით გასამართლებულ ტრისტან წითელაშვილს საქართველოს პრემიერ-მინისტრმა მამუკა ბახტაძემ საახალწლო მილოცვა გაუგზავნა.

ტრისტან წითელაშვილი ჯაშუშობის ბრალდებით იყო დაკავებული. იგი „ქართულმა ოცნებამ“ 2013 წელს პოლიტპატიმრის სტატუსით გაათავისუფლა.

წითელაშვილის სახელს უკავშირდება მორიგი სკანდალიც, 2016 წელს გენერალური შტაბის ყოფილმა უფროსმა გიგი კალანდაძემ განაცხადა, რომ 2008 წლის აგვისტოს ომის შემდეგ, საქართველოს ტერიტორიაზე აშენებული საიდუმლო სამხედრო ობიექტების კოორდინატები და ინფორმაცია წითელაშვილმა ფირზე გადაიღო. აღნიშნული ფირი კი მოგვიანებით საქართველოს მტერი ქვეყნის ხელში აღმოჩნდა.

პრემიერ მინისტრის აღნიშნულ ნაბიჯს, ოპოზიციის მხრიდან მწვავე კრიტიკა მოჰყვა.