ზურაბიშვილი, ხელისუფლების სხვა წარმომადგენლებთან ერთად პირდაპირ უტევს თავისუფალ მედიას

ზურაბიშვილი, ხელისუფლების სხვა წარმომადგენლებთან ერთად პირდაპირ უტევს თავისუფალ მედიას - ზალიკო უდუმაშვილი

პოლიტიკა - 18:30, 13 Jan, 2019

738

ზალიკო უდუმაშვილი სალომე ზურაბიშვილის მიერ ცილისწამების შესახებ კანონთან დაკავშირებით გაჟღერებულ ინიციატივას ეხმაურება.

უდუმაშვილის თქმით, „ქართული ოცნება“ და ბიძინა ივანიშვილი ხელისუფლებაში მოსვლის დღიდან კრიტიკული აზრის შეზღუდვას ცდილობენ.

„სწორედ საქართველოს პრეზიდენტი უნდა იყოს ერთ-ერთი მთავარი გარანტორი, რომ ქვეყანაში დაცული იქნება მედიის თავისუფლება, თუმცა ამის სანაცვლოდ, ჩვენ ვხედავთ პირიქით. სალომე ზურაბიშვილი ორკესტრირებულად ამ ხელისუფლების სხვა შტოების უმაღლეს პირებთან ერთად, პირდაპირ უტევს თავისუფალ მედიებს და ეს ბუნებრივიც არის, იმიტომ, რომ დღეს „ქართული ოცნება“, ისევე როგორც 6 წლის წინ, მის მთავარ მტრად სწორედ აღიქვამს თავისუფალ სიტყვას. გავიხსენოთ ყველამ ერთად „რუსთავი 2“-ის ირგვლივ მიმდინარე პროცესები. ახლა მთავარია არა მხოლოდ არასამთავრობო სექტორის, მთელი საზოგადოების კონსოლიდაცია იმისთვის, რომ დაცული იყოს ამ ქვეყნის ერთ-ერთი მთავარი მონაპოვარი და მთავარი დემოკრატიული ღირებულებები, რასაც ჰქვია სიტყვის თავისუფლება,“ - განაცხადა ზალიკო უდუმაშვილმა.