სალომე ზურაბიშვილის მიერ ცილისწამების შესახებ კანონთან დაკავშირებით გაჟღერებულ ინიციატივას „ევროპულ საქართველოში“ აფასებენ. ზურაბ ჭიაბერაშვილის აზრით, ხელისუფლების რეალური მიზანი თავისუფალი სიტყვის და გამოხატვის თავისუფლების შეზღუდვაა.

„ქართულ ოცნებას" მუდმივად აქვს მცდელობა, შეზღუდოს სიტყვის თავისუფლება ქვეყანაში და ეს ხდება არა მხოლოდ იმით, რომ ცალკეულ მედიასაშუალებებს, მაგალითად „რუსთავი 2-ს" ებრძვიან, არამედ ზოგადად, კანონმდებლობის შეცვლა უნდათ ისე, რომ ყველა კრიტიკული ხმა, ეს იქნება მედიაში, არასამთავრობო ორგანიზაციაში, ოპოზიციურ პოლიტიკურ პარტიაში თუ ზოგადად საზოგადოებაში, ჩაახშონ და მარტო საზოგადოებამ ილაპარაკოს ის, რაც ბიძინა ივანიშვილს ან ირაკლი კობახიძეს ან ნებისმიერ მათგანს უნდა,“ - განაცხადა ზურაბ ჭიაბერაშვილმა.