„ევროპული საქართველოს“ წევრი ლევან თარხნიშვილი სამგორის რაიონის ყოფილი გამგებლის, დავით კერესელიძის სახელთან დაკავშირებულ სკანდალს ეხმაურება. მისი განცხადებით, ეს არ არის პირველი შემთხვევა, როდესაც დავით კერესელიძეს აქვს პრობლემები კანონმდებლობასთან და აცხადებს, რომ კერესელიძემ თანამდებობის მიღებიდან ერთ წელიწადში მილიონიანი ქონება დააგროვა, რაც აჩენს ეჭვს, რომ ის კორუმპირებულია.

„როდესაც ის ინიშნებოდა გამგებლის თანამდებობაზე, მაშინაც ცნობილი იყო, რომ მის წინააღმდეგ იყო აღძრული საქმე მუქარის მუხლით. მიუხედავად ამისა, ის დანიშნა ამ თანამდებობაზე და ერთ წელიწადზე ცოტა მეტში ერთ მილიონზე მეტი ქონება იშოვა და სწორედ ეს ქონება არის ახლა გამხდარი სადაო. შესაბამისად, არის ეჭვი და დადასტურებული ეჭვი, რომ მან ეს ქონება კორუფციით იშოვა. ზოგადად, ეს არ არის ერთეული შემთხვევა, "ქართული ოცნების" ბიუროკრატია, ხალხის პრობლემების მოგვარების ნაცვლად დაკავებულია თავის ფინანსური მდგომარეობის გაუმჯობესებით“-აცხადებს თარხნიშვილი.