"ზურაბიშვილმა თავი წარმოაჩინა, როგორც ნეიტრალურმა უმაღლესმა თანამდებობის პირმა, რაც მის კონსტიტუციურ ფუნქციას სრულად შეესაბამება"

"ზურაბიშვილმა თავი წარმოაჩინა, როგორც ნეიტრალურმა უმაღლესმა თანამდებობის პირმა, რაც მის კონსტიტუციურ ფუნქციას სრულად შეესაბამება" - კობახიძე

პოლიტიკა - 11:37, 12 Jan, 2019

898

ირაკლი კობახიძე აღნიშნავს, რომ "პრეზიდენტმა, სალომე ზურაბიშვილმა პრესკონფერენციაზე სახელმწიფოებრივი პოზიციებიდან ისაუბრა, რაც ძალიან მნიშვნელოვანია".

„ჩემგან არ იქნება სწორი პრეზიდენტის შეფასება. ზოგადად შემიძლია აღვნიშნო, რომ მან სხვადასხვა საკითხებზე სახელმწიფოებრივი პოზიციებიდან ისაუბრა, რაც ძალიან მნიშვნელოვანია. ასევე მნიშვნელოვანია, რომ მან ჟურნალისტების, საზოგადოების წინაშე თავისი პირველი გამოსვლის დროს თავი წარმოაჩინა როგორც ნეიტრალურმა უმაღლესი თანამდებობის პირმა, რაც სრულად შეესაბამება მის კონსტიტუციურ ფუნქციას",- განაცხადა ირაკლი კობახიძემ ჟურნალისტებთან.

მისივე შეფასებით, პრეზიდენტის გამოსვლასთან დაკავშირებით ოპოზიციის მიერ გაკეთებული განცხადებები ხელს ვერ შეუწყობს პრეზიდენტის ინსტიტუტის გაძლიერებას.

„მე მოვისმინე ასევე ოპოზიციის შეფასებები და ეს შეფასებები არის ძალიან სამწუხარო იმიტომ, რომ ისინი უნდა გაუფრთხილდნენ პრეზიდენტის ინსტიტუტს და შესაბამისად ის განცხადებები, რომელიც ისმოდა ოპოზიციის წარმომადგენლების მხრიდან გუშინდელი დღის განმავლობაში, ნამდვილად არ შეუწყობს ხელს პრეზიდენტის ინსტიტუტის გაძლიერებას და ეს არის სამწუხარო, თუმცა მე იმედი მაქვს, რომ ოპოზიცია მომავალში სხვაგვარად შეხვდება პრეზიდენტის გამოსვლებს", - განაცხადა კობახიძემ.