საქართველოს ჯანდაცვის მინისტრი დავით სერგეენკო პირბადეების დეფიციტთან დაკავშრებით გავრცელებულ ინფორმაციას ეხმაურება. სერგეენკო მოსახლეობას მოუწოდებს, იმ შემთხვევაში თუ ერთ აფთიაქში ვერ შეიძენენ პირბადეს, აუცილებლად იშოვნიან სხვა აფთიაქში:

„საქართველოში ნამდვილად არ არის აფთიაქების დეფიციტი. 100 მეტრში შეიძლება 4 აფთიაქი იყოს. თუ ერთგან არ არის პირბადე, ყველას უმორჩილესად ვთხოვ, რომ იქნებ მეზობელ აფთიაქში შევიდეს და აუცილებლად შეიძენს. პირბადეების სისტემური დეფიციტი ნამდვილად არ არის. თუ ცალკეულ აფთიაქში არ დევს, იქვე გვერდზე იქნება მეორე აფთიაქი, სადაც აუცილებლად იქნება,"- განაცხადა სერგეენკომ.